المعاصر

أول سؤال: شحال فالنهار؟

ماشي شحال بغيتي تعصر، ولكن شحال عندك من الحبوب بصح. تعاونية كتجمع 20 كيلو ديال اللوز فالنهار ما خاصهاش معصرة ديال 20 كيلو فالساعة. H06 (2 – 5 كيلو/س) كافية للدار والبداية، H10J (4 – 14 كيلو/س) للتعاونية الصغيرة، H10 (6 – 20 كيلو/س) للإنتاج اليومي.

بارد ولا سخون؟

العصر البارد كيحافظ على الرائحة والفيتامينات وكيبيع غالي (أركان، النيجيلة، الزيوت التجميلية) ولكن كيعطي أقل. العصر السخون كيزيد المردودية 20 – 30 % وكيصلح للوز والسمسم والكاوكاو ديال الطبخ. المعاصر بالمقاومة الكهربائية كتعطيك بجوج.

الزيتون حاجة أخرى

معاصر اللولب ما كتعصرش الزيتون. الزيتون خاصو طحن ثم عصر (هيدروليكي ولا طرد مركزي). إلا كان الزيتون هو الهدف، سولنا قبل ما تشري.

الكهرباء

كل المعاصر ديالنا كتخدم بـ 220 فولط. المهم: بريز 16 أمبير، سلك مضبوط، وما تخدمش بالرالونج الرقيق — الموطور كيسخن وكيقصر عمرو.

الأخطاء لي كنشوفو

شراء معصرة كبيرة «باش نكبرو من بعد» — كتبقى واقفة نصف الوقت. الحبوب رطبة — الزيت كيخرج عكر واللولب كيتخنق. نسيان التنظيف — الزيت القديم كيفسد الطعم ديال الدفعة الجاية.