إكنو هي ورشة مغربية. كنجيبو الآلات من المصانع مباشرة، كنجربوها وحدة بوحدة قبل ما نبيعوها، وكنبقاو مسؤولين عليها من بعد البيع.

علاش هادشي مهم؟ حيت السوق عامر بإعلانات ديال ناس كيبيعو آلة وحدة وكيختافو. إلا خسرات الآلة من بعد شهرين، ما كتلقى حتى واحد.

حنا كنشريو قطع الغيار مع الآلات فنفس الحاوية. يعني ملي تحتاج قطعة، كتكون عندنا — ماشي «كنطلبوها من الصين ونتسناو شهرين».

تقدر تجي. الورشة محلولة من 8:30 حتى 19:00. جي شوف الآلة خدامة، جرب العجينة لي كتخرج منها، وسول على أي حاجة ما فهمتيهاش.