من الفكرة حتى أول قرعة معمرة
عندك مشروع ديال الزيت، الأملو، التوابل ولا ماء الورد؟ كنمشيو معاك خطوة بخطوة: نختارو معاك غير الآلات اللي خاصاك، نوصلوها، نشغلوها معاك، ونبقاو حداك من بعد.
- فاتورة قانونية بالـICE
- ضمان 12 شهر مكتوب
- قطع الغيار فالمخزن
- التوصيل لجميع المدن
كيفاش كنخدمو معاك
ستة مراحل، وفكل وحدة كاين شي حد من إكنو معاك. التفاصيل ديال كل مرحلة كنشرحوها ليك حسب المشروع ديالك.
نسمعو ليك
شنو المنتوج، شحال بغيتي تنتج، ولمن غادي تبيع. من هنا كيبدا كلشي.
نختارو معاك الآلات
غير اللي خاصك، بالحجم اللي يناسب الإنتاج ديالك. إلى الآلة ما تقدرش تدير شي حاجة، كنقولو ليك قبل، ماشي من بعد.
نفكرو فالخط كامل
من الحبة حتى القرعة مسدودة وعليها الملصقة: آلات كتمشي مع بعضها فالحجم والسرعة.
تشوف قبل ما تشري
جي للشوروم فالدار البيضاء وشوف الآلة خدامة قدامك.
التوصيل والتشغيل
كنوصلو لجميع مدن المغرب، وكنبينو ليك كيفاش تشغل الآلة وتضبطها على المنتوج ديالك.
نبقاو معاك
ضمان 12 شهر مكتوب، قطع الغيار فالمخزن، وجواب فواتساب ملي تحتاجنا.
شوف الخط ديالك كامل، قبل ما تشري
ختار شنو غادي تنتج وشحال، ونوريوك الخط كامل: كل آلة فبلاصتها، وكيفاش كتخدم فالفيديو.
الزيوت: أركان، لوز، سمسم
الأملو والعجائن
التوابل والأعشاب
لمن هاد الخدمة؟
الصناع والحرفيين
كتخدم بيدك وبغيتي تزيد فالإنتاج بلا ما تخسر الجودة.
التعاونيات
فاتورة قانونية بالـICE للمحاسبة، وآلات ساهلة يخدمو عليها الأعضاء.
المشاريع الجديدة
مازال عندك غير فكرة؟ هادي أحسن لحظة باش تسولنا، قبل ما تشري أي حاجة.
أسئلة كتجينا بزاف
مازال عندي غير فكرة، واش تقدرو تعاونوني؟
إيه. عمر استمارة المشروع ولا صيفط لينا فواتساب، ونتصلو بيك باش نفهمو المشروع ديالك.
التعاونية ديالنا خاصها فاتورة، واش كتعطيوها؟
إيه، فاتورة قانونية بالـICE مع كل آلة.
واش كتوصلو لبرا الدار البيضاء؟
إيه، التوصيل لجميع مدن المغرب.
واش نقدر نشوف الآلات قبل ما نشري؟
إيه، فالشوروم ديالنا فالدار البيضاء: الإثنين – الجمعة من 9:00 حتى 17:00، والسبت من 9:00 حتى 13:00.
عندك مشروع جديد؟
عمر هاد الاستمارة فدقيقتين. كنقراوها ونتصلو بيك باش نفهمو المشروع ديالك مزيان.